மணக்கும் தமிழ் !! கலக்கும் பதிவர்கள் !!

ஊர் சனமெல்லாம் எதிர்பாத்து பாத்து கண்ணு பூக்கட்டுமா, காய்க்கட்டுமான்னு இருக்கும்போது தமிழ்மண விருதுகள் அறிவிப்பு வந்தே வந்துடுச்சு. நாம எல்லாரும் நல்ல நல்ல ஓட்டுக போட்டு மொத பத்துல கொண்டாந்து நிறுத்துன பதிவுக பட்டியலையும் பாத்துருப்பீங்க. நம்ம ஆளுக கலக்குன கலக்குல தேர்வுக் குழு ரொம்பவே கலங்கிப் போயிட்டாங்க போல. இம்புட்டு நாளாயிப் போச்சு பாருங்க. எப்பிடியோ நாளானாலும் நல்ல பதிவுக தேர்வானதுக்கு எல்லாருமே நெம்ப சந்தோசமாத்தான் இருப்பீங்க. அப்துல்லா அண்ணன் மாதிரி சிலருக்கு அனுப்புன எல்லாப் பதிவுமே தேர்வானது டபுள் சந்தோசமா இருக்கு... என்ன சொல்றீங்க?

விருது கிடைச்ச எல்லா சக பதிவர்களுக்கும் வாழ்த்துகள். இன்னும் நல்லா கலக்கோ கலக்குன்னு கலக்கி, 2009 விருதுகளை அள்ளீரணும். 2009 விருதுகள் தேர்வு குழுவுக்கு இன்னும் சிரமம் குடுக்கணும். அடுத்த விசுக்கா இன்னும் பல பிரிவுகள்ல விருதுக எதிர்பாக்கலாம்னு மூணாநா ராத்திரி சாமக்கோடங்கி வேற உடுக்கடிச்சுட்டு போச்சு.

நான் அனுப்புன 3 பதிவுகளுக்கும் உங்கள்ல யாரச்சும் தெரியாத்தனமா ஓட்டுப் போட்டுருக்கலாம். அப்பிடிப் போட்ட எல்லாருக்கும் நன்றி. கும்புட்டுக்கறனுங்.

மறுக்கா... விருது கிடைச்ச / கிடைக்காத எல்லாருக்கும் வாழ்த்துகளும் நன்றிகளும்.